"Абай бол". UFC-дегі "официант" Рахмоновпен айқасатын болды

Америкалық UFC файтері Джефф Нил қазақстандық Шавкат Рахмоновқа жауап беріп, промоушеннің бас матчмейкері Шон Шелбиге қоңырау шалғанын айтты, деп хабарлайды Vesti.kz.

Бұған дейін Рахмонов америкалықты бірнеше рет айқасқа шақырған.

"Бүгін таңда командам Шонға қоңырау шалды. Қалауыңа абай бол. Жақында кездесеміз, Рахмонов", - деп жазды Нил "твиттерде".

Had my team call Sean this morning. Be careful what you wish for. See you soon ? @Rakhmonov1994

— Geoff (handzofsteel) Neal (@handzofsteelmma) October 6, 2022

Екі файтер де жартылай орта салмақта өнер көрсетеді. Нил дивизион рейтингінде алтыншы орында, ал Рахмонов оныншы.

Айта кетейік, Нил "официант және бармен" бағытында білім алған. Ол тіпті бір орында официант болып он жыл істеген. Ол жұмыстан UFC-дегі бесінші жекпе-жегінен кейін ғана кеткен. Ал пандемия кезіндегі барлық спорттық шаралар тоқтатылған аралықта қайтадан қоғамдық тамақтану орындарында жұмыс істепті.