МакГрегор мен Нурмагомедов өшпенділігі неден басталғаны ашық айтылды

Конор МакГрегордың командасындағы ресейлік файтер Артем Лобов ESPN-нің YouTube арнасына берген сұхбатында ирландиялық пен ресейлік Хабиб Нурмагомедовтың арасындағы өшпенділіктің неден басталғанын айтты. 

"Басында қарым-қатынасымыз жақсы болатын - Нурмагомедовпен менің арамда және Конормен де. Бір-бірімізді сыйлап жүрдік. Алайда Хабиб неге екені белгісіз Конорды chicken (балапан, әтеш) деп атай бастады. Неге олай дей бастағанын білмеймін, өйткені МакГрегор ол туралы жаман ештеңе айтпаған болатын", - деп мәлімдеді Лобов.

Лобовтың пікірінше, Нурмагомедов бұл Ресейде өте ауыр сөз екенін біле тұрып айтқан. "Ресейде бұлай түрмеде зорланған адамдарды атайды. Хабиб оны біледі - бәрі біледі. Бұл намысқа тиетін сөз", - деп атап өтті ол.