Ресейдің Самара қаласындағы "МТЛ" аренасында Open Fighting Championship және Rave Promotion ұйымдастырған ММА-ден халықаралық турнир өтті, деп хабарлайды Vesti.kz.
Турнир аясында 20 жастағы қазақстандық Малик Какаев (2-2) өзімен түйдей құрдас ресейлік Сергей Шишкинмен (2-0) жұдырықтасты. Жекпе-жек өте жеңіл салмақта өтті. Үш раундқа есептелген айқас екіншісінде аяқталды. Маугли лақап атты ресейлік спортшы қарсыласын нокаутқа түсірді. Екі файтер де жекпе-жек кезінде ережелерді өрескел бұзып жұдырықтасқанын айта кетейік.