Қытайды ұтты. Қазақстан шахматтан Олимпиадада топта көшбасшы болды

Шахматтан Қазақстан құрамасы онлайн Олимпиададағы А тобында бірінші болды, деп хабарлайды Vesti.kz. Біздің команда тоғыз ойынның сегізінде жеңіске жетті. 

Алты тур қорытындысы бойынша, Қазақстан Қытаймен матчте сенсация жасады, ал Жансая Әбдімәлік төрт дүркін әлем чемпионы Хоу Ифаньді ұтты. Осыдан кейін қазақстандықтар Аустарлия құрамасынан 3,5-2,5 есебімен басым түсті. 

Сегізінші турда Қазақстан 2-4 есебімен Иран құрамасынан ұтылды, бұл Олимпиададағы бірінші жеңіліс болды. Осыдан кейін Қазақстан екінші орынға сырғып, Қытай көш бастап кетті. 

Алайда Тоғызыншы турда Қазақстан 4:2 есебімен Моңғолия командасын үстем болып, ал Қытай осындай есеппен Арменияға есе жіберді. 

Осылайша, 16 ұпай жинаған Қазақстан топта жеңімпаз атанды. Қытай екінші орында, ал үшінші Иран. Енді осы үш команда жарысты плей-офф кезеңінде жалғастырады.