World Boxing ұйымы Әлем кубогін Қазақстанда өткізеді

World Boxing ұйымы 2025 жылдың ресми жарыс күнтізбесін жариялады, деп хабарлайды massaget.kz сайты.

Жаңа жарыс күнтізбесіне сәйкес, бірнеше кезеңнен тұратын әлем кубогының өтетін уақыты белгілі болды. Екінші кезең 30 маусым мен 7 шілде аралығында Қазақстанда ұйымдастырылады.

Бокстан әлем кубогы – ерлер мен әйелдер арасындағы үздік боксшылар рейтингтік ұпайларды сарапқа салатын, бірнеше кезеңнен тұратын турнир сериясы. Биыл жыл бойы үш кезең өткізіліп, қараша айында қорытынды, яғни финалдық бәсеке өтеді.

Ал 2025 жылғы ересектер арасындағы әлем чемпионаты 4-14 қыркүйек күндері Ұлыбританияда болады.

Айта кетейік, Қазақстан бокс федерациясы өткен жылдың соңында World Boxing ұйымына кірген болатын. Сондай-ақ биыл IBA ұйымдастыратын әлем чемпионатына да қатысуды жоспарлап отыр.