Дүниежүзілік бокс кеңесі (WBC) барлық салмақ дәрежелері бойынша жаңартылған рейтингін жариялады, деп хабарлайды Vesti.kz.
Елеусінов төрт орынға төмендеді
Жартылай орта салмақта қазақстандық боксшы Данияр Елеусінов (13-0, 8 КО) төрт сатыға төмендеп, 33-орыннан 37-орынға түсті.
Елеусінов соңғы рет 2025 жылдың шілде айында АҚШ-тың Вашингтон қаласында өткен жекпе-жекте шаршы алаңға шыққан. Сол кездесуде ол филиппиндік Джеймс Бэконды екінші раундта техникалық нокаутпен жеңген болатын.
Сойлыбаев та бір орынға сырғыды
Екінші жеңіл салмақта Бекман Сойлыбаев (21-1, 12 КО) бір сатыға төмендеп, рейтингте 32-орынға жайғасты.
Сойлыбаев соңғы жекпе-жегін 27 желтоқсанда Алматыда өткен бокс кешінде өткізді. Ол өзбекстандық Абдулло Кучкаровты екінші раундта техникалық нокаутпен жеңді.
Нұрсұлтанов көшбасшылық орнын сақтап тұр
Ал бірінші орта салмақта Мейірім Нұрсұлтанов (20-0, 11 КО) рейтингтің бірінші орнын сақтап қалды.
Нұрсұлтанов соңғы рет 2023 жылдың қараша айында Ташкентте (Өзбекстан) шаршы алаңға шыққан. Сол кездесуде ол чилилік Хулио Аламосты төрешілердің шешімімен жеңген еді.
Жарнама