WBC чемпионы жеңілмеген қазақпен айқасатын уақытын айтты

Орта салмақта WBC чемпионы доминиканалық Карлос Адамес (24-1-1, 18 КО) рингке оралуына қатысты мәлімдеме жасады, деп хабаралйды Vesti.kz. 

Чемпион келесі жекпе-жегін жеңіліп көрмеген қазақстандық Мейірім Нұрсұлтановқа (20-0, 11 КО) қарсы өткізуі міндет. 

23 ақпанда Адамес британиялық Хамза Ширазбен (21-0-1, 17 КО) айқасқа түсіп, тең есеп арқасында белбеуін сақтап қалды. 

WBC чемпионды қазақ боксшымен айқасуға міндеттеп отыр

WBC бұл жекпе-жекке дейін Карлосты белбеуін Нұрсұлтановқа қарсы қорғауға міндеттеген болатын. Ал енді Нұрсұлтанов міндетті қарсылас ретінде ресми белгіленді. 

Доминиканалық боксшы рингке қашан оралатынын айтты, бірақ, Мейірімді атап өтпеді.

"Мен "панчерлерді" шегінуге мәжбүрлеймін. Менімен соққы алмасуға шыдағандар тек - Сергей Деревянченко (15-6, 10 KO) және Хуан Монтиэль (23-7, 23 KO). Ал міне сіздерге нәтиже. 8 аптадан кейін WBC белбеуін қалаған кез келген қарсыласқа дайын боламын", - деп жазыпты Адамес Х желісінде. 

Нұрсұлтанов WBC үшінші тұр, алайда, ол рингке бір жылдай шықпады. 31 жастағы қазақ боксшы кейінгі рет 2023 жылы қарашада чилилік Хулио Аламосты (16-3, 9 КО) төрешілер шешімімен жеңген болатын.