Екінші жартылай жеңіл салмақта өнер көрсететін қазақстандық боксшы Бекман Сойлыбаев (16-1, 7 КО) келесі жекпе-жегін тамызда өткізеді, деп хабарлайды Vesti.kz.
Adal Promotions мәліметінше, 10 раундтық жекпе-жек Ташкентте өтеді. Қарсылас әзірге белгісіз.
Сойлыбаев кейінгі рет 21 наурыз Алматыда жұдырықтасқан болатын, ол айқаста Бекман үшінші раундта филиппиндік Дженела Лаусаны (11-1-1, 7 КО) нокаутқа түсірді.
Осылайша, қазақстандық боксшы WBA Inter-Continental белбеуін қорғап қалды, алайда қарсыластың әлсіздігіне байланысты ұйым оны рейтингтен шығарып тастады.