Бүкіләлемдік бокс қауымдастығы (WBA) барлық салмақтағы рейтингін жаңартты.
Онда қазақстандық Бек Нұрмағанбет рейтингке қайта қосылып, 8-орынға жайғасты. Кейінгі рет Бек 15 қыркүйек Лас-Вегаста жұдырықтасып, америкалық Джошуа Конлиді (17-7-1, 11 КО) екінші раундта нокаутқа түсірген.
Бектің жекпе-жегі Сауль Канело Альварес (62-2-2, 39 КО) - Эдгар Берланга (22-1, 17 КО) айқасының кардында өткен еді.
Бірінші жартылай орта салмақта 7-орында болған Жанқош Тұраров қазір топ-15 тізімде де жоқ, ал Батыр Жүкембаев 9-дан 11-орынға сырғыпты.
Екінші жартылай жеңіл салмақтағы Сұлтан Зауырбек 3-тен бір саты төмендеді.