Қазақстан құрамасының боксшысы Виктория Графеева Болгарияда өтіп жатқан "Странджа кубогі" турнирінде жүлдеге жете алмады, деп хабарлайды Vesti.kz.
60 келіге дейінгі салмақ дәрежесінің ширек финалында ол 2025 жылғы әлем чемпионы бразилиялық Ребека де Лима Сантосқа 2:3 есебімен есе жіберді. Осылайша, жартылай финалға өткен Ребека құрамасына кем дегенде қола жүлдені қамтамасыз етті.
Бұған дейін Әйгерім Сәттібаева (48 кг), Әнел Құдайберген (48 кг), Жайна Шекербекова (54 кг), Ұлжан Сәрсенбек (57 кг) және Римма Волосенко (60 кг) жеңіліс тапқан еді.
Ал Әнел Сақыш (54 кг) пен Элина Базарова (54 кг) жартылай финалға жолдама алды.
Жарнама