Ауыр салмақтағы өзбекстандық боксшы Баходир Джалолов (14-0, 14 КО) Олимпиададан кейін кәсіпқой боксқа оралуы қалай өтіп жатқанын айтып берді, деп хабарлайды Vesti.kz.
Олимпиаданың екі дүркін жеңімпазы 5 сәуірде Астанадағы бокс кешіне қатысады.
30 жастағы Баходирдің қарсыласы украиналық Игорь Шевадзуцкий (12-2, 10 КО) болады.
"Қолымнан келгеннің бәрін жасап жатырмын. Не болатынын ринг көрсетеді. Қарсыласымды нокаутқа түсіруге тырысамын. Бұл менің ұлтым үшін біздің аймақтағы ең күшті жекпе-жек болады.
1-2 жылдан кейін әлем чемпионы боламын. Титулды алуға дайынмын. Уақыт көрсетеді. Рейтингте жоғарлау өте маңызды, жеңіске жете беру. Мен титул жеңіп алып, онымен суперауыр салмақтағы ең мықты боксшылардың бірі болғым келеді", - дейді Джалолов.
Жарнама