Қазақстандық боксшы Төрехан Сабырхан Испанияның Ла-Нусия қаласында өткен Boxam Elite халықаралық турнирінде алтын жеңіп алды, деп хабарлайды Vesti.kz.
70 келіге дейінгі салмақ дәрежесіндегі финалда оған Үндістан боксшысы Дипак қарсылас болды.
Алғашқы раундта қазақстандық боксшының қарсыласы айқын басымдық танытып, 5:0 есебімен жеңіске жетті. Алайда қалған екі үш минуттық раундта Торехан Сабырхан шеберлік танытып, төрешілердің бөлек шешімімен (4:1) басым түсті.
Нәтижесінде жекпе-жек төрешілердің бөлек шешімімен Сабырханның пайдасына шешілді — 29:27, 29:27, 29:27, 27:29, 29:27.
Осылайша, Төрехан Сабырхан Қазақстан құрамасына бұл турнирдегі төртінші алтын жүлдені сыйлады. Бұған дейін Санжар Ташкенбай (50 келіге дейін), Умида Садыкова (+80 келі), сондай-ақ, Төреханның ағасы Махмұт Сабырхан (55 келіге дейін) алтын жеңіп алған болатын. Айта кетейік, Садыкова финалда отандасы Панар Сейтханқызын бірінші раундта нокаутқа түсірген еді.
Жарнама