Таиланд астанасы Бангкок қаласында өтіп жатқан дәстүрлі халықаралық Thailand Open турнирінде қазақстандық боксшы Даниял Сапарбай өнер көрсетті, деп хабарлайды Vesti.kz.
92 келіден жоғары салмақ дәрежесінде ол Үндістан өкілі Аншул Гиллмен кездесіп, күтпеген жерден төрешілердің ортақ шешімімен (0:5) жеңіліп қалды.
Бұған дейін турнирдегі екінші жекпе-жегін Төрехан Сабырхан (70 кг) өткізді. Ол филиппиндік Рональд Чавес-жуниорды нокдаунға жіберіп, жартылай финалға өтті. Осылайша, кем дегенде қола мжүлдеге жетіп отыр.
Thailand Open турнирі 1 маусымда аяқталады.