Сауль "Канело" Альварес (57-2-2, 39 КО) Геннадий Головкинмен (42-1-1, 37 КО) үшінші рет жұдырықтасатынына қатысты ойын айтты, деп хабарлайды Vesti.kz.
Боксшылар Нью-Йоркте баспасөз жиынын өткізіп, сол жерде көз арбасты.
"Қарсыласымды әрдайым құрметтеймін, ол да мен сыйлап тұрса, солай ғой? Мұны PPV сату үшін жасамаймын. Ондай маған ұнамайды. Мен қарсыластарымды әрдайым құрметтеймін, бірақ, бұл жолы бәрі басқаша. Мен осындаймын. Басқаша көрінуге тырыспаймын, осының бәрі сондықтан айтылды. Қайтадан айтамын - мұндай адамдарды жек көремін. Қазір сұхбат пен баспасөз жиыны бітеді де, мен залға барамын. Жүз пайыз, жыртқыш сияқты дайындалуға! Төбелескім келіп тұр", - дейді "Канело".