Санатәлі Төлтаев Thailand Open турнирінің жартылай финалына жолдама алды, деп жазады Vesti.kz тілшісі.
63 келіге дейінгі салмақта сынға түсетін отандасымыз ширек финалда қытайлық Тайпейден келген Чу-Эн Лаймен айқасты. Төрешілердің бір ауыз шешімімен Төлтаев жеңіске жетті. Жекпе-жек барысында Чу-Эн Лай нокдаунға түсті.
Еске салайық, Санатәлі Төлтаев спорттық мансабында Азия чемпионатының қола жүлдегері атанған. Енді Санатәлі жартылай финалда тағы бір қазақстандық Сұлтан Мусинмен айқасады.