Темиртас Жусупов әлем чемпионатында өзбек боксшысын қалай жеңгенін айтып берді
Жеңіл салмақта өнер көрсететін Теміртас Жүсіпов әлем чемпионатында өзбекстандық боксшыны қалай жеңгенін айтып берді, деп жазады Vesti.kz тілшісі.
48 келіге дейінші салмақта өнер көрсететін қазақстандық боксшы әлем чемпионатының ширек финалында Азия біріншілігінің екі дүркін жеңімпазы Нодиржан Мирзахмедовпен кездесіп, жеңіске жетті.
- Өзбекстандық қарсыласпен бұған дейін кездесіп, екі рет жеңгенмін. Мен сол айқасты бірнеше рет қайталап көріп, қорытынды шығардым. Сөйтіп бұл кездесуге жақсы дайындықпен шықтым, - деп бастады Жүсіпов.
- Бірінші кездесуде бірден суырылып алға шықтыңыз. Содан соң босаңсып қалмадыңыз ба?
- Жоқ. Босаңсымадым. Екінші раундта жеңілмеу керек екенін білдім. Бірінші раундқа қарағанда қарқынды көтердім.
- Өз кездесуге қанағаттандыңыз ба? Жалпы жоспар орындалды ма?
- Әрине. Бірінші кезекте бапкерлердің жоспарын орындадым. Енді келесі кездесуге дайындаламын.
Загрузка матч-центра...
Жарнама