Ташкентте өтіп жатқан әлем чемпионатында Қазақстандық боксшы Талғат Сырымбетов 1/16 финалдық жекпе-жегін өткізді, деп хабарлайды Vesti.kz.
60 келі салмақта Сырымбетов Азия чемпионы, иорданиялық Мохамед Абу-Джаджехпен айқасты. Үш раунд қорытындысы бойынша иорданиялық боксшы төрешілердің бөлек шешімімен даулы жеңіске жетті.
Екінші раундта қазақстандықтың қарсыласы жекпе-жек кезіндегі лас әдістер үшін ескерту алғанын айта кетейік.