Бокстан Қазақстан құрамасының капитаны Айбек Оралбай Шымкенттегі халықаралық турнирде екінші жекпе-жегін өткізді.
92 келіден аса салмақтағы 1/4 финалда Айбектің қарсыласы түркиялық Айдемир Угур болды.
Жекпе-жек екінші раундта техникалық нокаутпен аяқталды. Оған дейін түркиялық бір рет нокдаунға түскен екен. Осылай Айбек Оралбай осы жарыста екінші қарсыласын нокаутпен жеңіп отыр.
Еске салайық, 1/8 финалда қазақстандық боксшы украиналық Кирилл Стоянцевті де бірінші раундта техникалық нокаутпен жеңген.