Қазақ боксшысы Айдос Медеттің (13-0, 9 КО) келесі жекпе-жегінің күні мен қайда өтетіні белгілі болды, деп хабарлайды Vesti.kz.
24 жастағы Медет АҚШ-тың Калифорния штатындағы Лонг-Бич қаласында өтетін бокс кешінде рингке шығады. Бұл жарыс 15 қарашаға жоспарланған. Қазақстандық боксшының қарсыласы – 30 жастағы мексикалық Давид Рейес Кота (25-14-2, 13 КО).
Бұл айқас алты раундқа есептелген және жеңіл салмақ дәрежесінде өтеді. Бұл Айдос Медет үшін АҚШ-тағы дебюттік кездесу болмақ.
Айдос бұған дейін мамыр айында Ақтөбеде жұдырықтасқан. Ол кезде боксшы отандасы Канағат Манатұлын (9-3, 7 КО) нокаутпен жеңіп, Қазақстан Кәсіби Бокс Комиссиясының екінші жеңіл салмақ дәрежесіндегі чемпиондық атағын иеленген болатын.