Суперауыр салмақтағы қазақстандық Энтони Джошуамен спаррингке шықты

Суперауыр салмақтағы 27 жастағы қазақстандық Нұрсұлтан Аманжолов (3-0, 2 КО) осы дивизионда WBA, IBF, WBO және IBO чемпионы Энтони Джошуамен (24-1, 22 КО) спарринг өткізді, деп хабарлайды Vesti.kz.

Британиялық чемпионның рингке қашан оралатыны әзірге белгісіз. Дегенмен жазда ол отандасы WBC титулына ие Тайсон Фьюримен жекпе-жекке шығуы ықтимал. Нұрсұлтан британиялық боксшыға осы айқасқа дайындалуға көмектесіп жатқан болса керек. 

"Энтони Джошуа қазақстандық суперауыр салмақтағы Нұрсұлтан Аманажоловпен бірнеше раунд өткізді", - делінген Inside Fighting твиттер аккаунтында. 

.@anthonyjoshua getting some rounds in with Kazakhstan heavyweight Nursultan Amanzholov #JoshuaFury #Boxing #InsideFighting pic.twitter.com/dtxM1zoT2O

— Inside Fighting (@inside_fighting) April 21, 2021

Еске салайық, Аманжолов рингке кейінгі рет былтыр шілдеде босниялық Дражан Джананинге қарсы шығып, техникалық нокаутпен жеңіске жеткен.