Sports Illustrated Головкинді жыл жекпе-жегі үшін марапаттады

Спорт туралы жазатын америкалық Sports Illustrated апталық басылымы қазақстандық Геннадий Головкин (40-1-1, 35 КО) мен украиналық Сергей Деревянченко (13-2, 10 КО) жекпе-жегін жыл айқасы деп таныды, - деп хабарлайды Vesti.kz.

"Канело" Альварестің артынан бірнеше апта қуғыннан кейін, қазанда 37 жастағы Головкин келесі жақсы дүниеге тоқтады: орта салмақта әлем чемпионы атағын қайтару. Алайда оның алдынан Деревянченко, 33 жастағы тактик шықты. Бұған дейін ол төрешілер шешімімен Дэниэл Джейкобстен жеңілген еді.

Деревянченко нокдаунға түскеннен кейін Головкинді қысқа жекпе-жек күтіп тұр деген ой болды. Оның үстіне екінші раундта Деревянченконың қабағы жарылып, бұл оның мүмкіндіктерін жоқ еткендей болды. 

Бірақ Деревянченко үшінші раундта жиналып, GGG-дің әрбір соққысына жауап қайыра бастады. 36 минут бойы екі орта салмақ боксшысы аңызға айналған Артуро Гатти мен Микки Уорд жекпе-жегін еске сала айқасты. 

Соңында Головкин төрешілер шешімімен жеңді. Бірақ ол түні жеңілгендер болған жоқ", - деп жазады SI.com.