Қазақстанның туризм және спорт министрі Ербол Мырзабосынов қазақстандық боксшы Жәнібек Әлімханұлының допинг-тестілеуден өте алмағанына байланысты жағдайға түсініктеме берді, деп хабарлайды Vesti.kz.
Оның айтуынша, қазір спортшының командасы В сынамасының ашылуын күтіп отыр.
"Иә, өкінішке қарай, маңызды жекпе-жек алдында осындай жағдай болды. Бірақ екінші сынама ашылады - 8 қаңтарда. Жәнібектің командасы да, біз де В сынамасының ашылуын күтіп отырмыз. Ақпаратты содан кейін жариялаймыз", - деді Ербол Мырзабосынов Үкіметтегі брифинг барысында.
Допинг расталған жағдайда қандай салдар болуы мүмкін деген сұраққа жауап берген министр шешімді Антидопинг агенттігі (VADA) мен Бүкіләлемдік бокс ұйымы қабылдайтынын атап өтті.
Жарнама