Геннадий Головкиннің (42-1-1, 37 КО) бапкері Джонатан Бэнкс 17 қыркүйек Лас-Вегастағы T-Mobile Arena шаршы алаңында өтетін Сауль "Канело" Альвареспен (57-2-2, 39 КО) өтетін айқасқа дайындық жайлы айтып берді.
"Бұл бұрын-соңды көрмеген Головкин болады, бірақ, жоғары дивизионға өткендіктен емес. Альварес үшін жоғары салмаққа өтіп, қайта түсу ыңғайлы болып кеткен. Дегенмен Геннадий өзін жайлы сезінбесе, бұған келіспес еді.
Екеуі де 17 қыркүйекте барын салады, тамаша шоу көреміз. Головкин қажет өзгерістер жасайды. Егер екеуі де сөздерінде тұрса, бұл нағыз соғыс болады. Демек тарихтағы ең мықты трилогияның бірін тамашалаймыз", - деп береді маманның сөзін Boxingscene.com.