"Шынымен оғаштау дүние болды". Украиналық Головкиннен жеңілгеніне сенбейді

Украиналық боксшы Сергей Деревянченко орта салмақта IBF және IBO титулдары үшін айқаста қазақстандық Геннадий Головкиннан жеңіліп қалғаны туралы пікір білдірді. Деревянченконың айтуынша, ол осы кездесуде жеңіске лайықты болған, - деп хабарлайды Vesti.kz.

"Мен осы жекпе-жекте жеңгенімді сеземін. Оы бүкіл Madison Square Garden көрді. Кеше бір оғаштау дүние болды өзі. Мені қолдап жүргендерге алғысым шексіз", - деп жазды Деревянченко Twitter желісіндегі парақшасында.

Айта кетейік, төрешілер бірауыздан жеңісті Головкинге берген (114-113, 115-112, 115-112).

Сондай-ақ, қазақстандық боксшы украиналыққа реванш беруге дайын екенін айтты.