Серік Теміржанов әлем чемпионатының жартылай финалында өнер көрсетеді

Қазақстандық боксшы Серік Теміржанов әлем чемпионатының ширек финалында ресейлік Эдуард Савинді жеңіп, жүлделі орынға ілікті, деп жазады Vesti.kz тілшісі. 

57 келіге дейінгі салмақтағы жекпе-жекте отандасымыз жарқын кездесу өткізді. Қарсыласын үш раундта да басымдықпен ұтып шықты. Төрешілер 5:0 есебімен Серіктің жеңіске жеткені жайлы қорытынды шығарды.

Серік Теміржанов жартылай финалға шыққан бесінші отандасымыз. Осыған дейін Теміртас Жүсіпов, Махмұд Сабырхан, Абылайхан Жүсіпов пен Сәкен Бибосынов 1/2 финалға шыққан еді.