Серік Сәпиев легионерлерге қатысты ойын айтты

Бокстан Лондон Олимпиадасының чемпионы Серік Сәпиев әлемдік жарыстарға Қазақстан атынан баратын шетелдік спортшыларды сатып алуға қатысты ойын айтты.

"Легионерлер бойынша бұл әр мемлекетте бар практика. Әр елде легионерлерге көңілі толмайтындар табылады. Әрине, өз спортшыларымызды дайындауымыз керек. Қажет жағдайда шетелден тәжірибелі жаттықтырушыларды тартып, олардан үйреніп, өз спортшыларымызды даярлау қажет", - деді Серік Сәпиев Парижден оралған Нұрбек Оралбайды қарсы алу кезіндегі БАҚ өкілдерінің сауалына.