Серік Сәпиев IBA құрамынан шығуға қатысты мәлімдеме жасады

2012 жылғы Лондон Олимпиадасының чемпионы Серік Сәпиев Қазақстан бокс феедарциясы IBA сапынан шығады дегенге қатысты ойын айтты. 

"Біздің федерация жаңадан ашылған World Boxing ұйымына қосылуы туралы әлі айту қиын. Өйткені ҚБФ Азиялық конфедерация құрамында (ASBC). Мүмкін ASBC өзін қалай көрсеткеніне байланысты болатын шығар. Мүмкін сол кезде федерациямыздың ойы өзгерер. Бірақ қазіргі таңда біз Азия конфедерациясындамыз және IBA мүшелігінде қалып отырмыз. Не болатынын уақыт көрсетеді", - дейді Сәпиев.