Сарапшы Қанат Ислам айқасқан 23 нокауты бар "Жыртқыш" жайлы шындықты айтты

ESPN арнасының латынамерикалық тілшісі Фернандо Барбоза Vesti.kz тілшісіне берген сұхбатында аргентиналық Хавьер Франсиско Масьельді (34-18, 23 КО) жеңген Қанат Исламның (29-1, 22 KO) үлкен айқастарға дайындығы туралы пікір білдірді. 

"Бұл айқасты көрдім. Ислам жақсы жұдырықтасты. Ол тың әрі шыдамды көрінді. Рингте толықтай басым болды. Алайда бұл қарсылас оның деңгейін ашып көрсете алмайды. Масьель - деңгейі төмендеу боксшы. Келесі жекпе-жекте қауіптілеу қарсылас таңдау қажет. Міне осы кезде Қанаттың үлкен сынға дайындығы көрінеді", - дейді Барбоза.