Орта салмақта WBO чемпионы Жәнібек Әлімханұлы (13-0, 8 КО) канадалық Стивен Батлерді (32-3-1, 26 КО) нокаутқа түсіруі керек. Vesti.kz тілшісіне берген сұхбатында америкалық журналист Джек МакКаферри осындай ой айтты.
12 раундты жекпе-жек 13 мамыр Калифорниядағы "Стоктон-Аренада" өтеді. Бұл айқаста Жәнібекке тиесілі WBO белбеуі сарапқа салынады.
"Батлер - ең атақты қарсылас емес, дегенмен оның тәжірибесі молдау. Ол үлкен айқастарға шығып, чемпиондыққа таласып көрген. Әлімханұлының басымдығы бар сияқты, алайда қарсылас кәсіпқойда көбірек жекпе-жек өткізді. Оның үстіне Жәнібек кейінгі кездесуінде нашарлау көрінді. Бірақ канадалықтың жеңу мүмкіндігі бәрібір төмен.
Ол бұрын да нокаутқа түскен. Мұндай жағдай осы жекпе-жектің немен бітеріне әсер етуі мүмкін, қазақ боксшы да қарсыласын құлатуы ықтимал", - деп жазыпты МакКафери.