"Санчеспен мұндай болған емес". ESPN сарапшысы Головкиннің жаңа бапкермен қалай ілгерлегенін айтты
ESPN арнасының сарапшысы Тедди Атлас қазақстандық Геннадий Головкиннің (39-1-1, 35 КО) жаңа бапкері Джонатан Бэнкстің жаттықтыруымен өткен бірінші жекпе-жегіне баға берді.
8 маусым Нью-Йоркте Головкин төртінші раундта канадалық Стив Роллсты (19-1, 10 КО) нокаутқа түсірді. Бұл қазақстандықтың DAZN стриминг қызметіндегі алғашқы жекпе-жегі болды.
"Бэнкс жақсы еңбектенді деп есептеймін. Головкин бұрынғыдан жақсырақ болды. Иә, бірнеше соққы жіберіп алды, кейіншектеді, бірақ, бұл жаңа дүниелерді сынап көруге байланысты еді. Мен одан жаңашылдықтарды байқадым. Абель Санчесте болғандағыдан жақсырақ. Біріншіден, Головкин физикалық тұрғыда өзін жеңіл ұстады: Санчес оны зорықтырып жіберген. Жастау көрінді, физикалық та, ментальді тұрғыда да. "Канеломен" соңғы жекпе-жекте ол зорығып қалғандай болды. Екіншіден, онда комбинация көбейген, денеден соққыларды арттырып, басын да қозғап жүрді. Санчеспен жаттыққанда мұндай болмаған. Сондықтан жақсы дүниелер көп - бұл Бэнкстің арқасы", - дейді Атлас.