Санатәлі Төлтаев пен Асланбек Шымбергенов ширек финалда сүрінді

Бокстан әлем чемпионатының кешкі сессиясында шаршы алаңға шыққан Санатәлі Төлтаев пен Асыланбек Шымбергенов қарсыластарына есе жіберіп, жарысты жүлдесіз аяқтады.

63,5 келіге дейінгі салмақта Санатәлі Төлтаев шотланд боксшысы Рис Линчке жол берді. Қазақ боксшысы үш раунд бойы белсенді жұдырықтасқанмен, төрешілер шешімі екі жарылды. Нәтижесінде қарсыласы 3:2 есебімен басым болып кетті.

 71 келіге дейінгі салмақта Асыланбек Шымбергенов Украинадан барған Юрий Захареевтен жеңілді. Бұл жекпе-жекте де төрешілердің шешімі қарсылас пайдасына ауды. 3:2 есебімен ұтқан Юрий жартылай финалға шықты.

Қазіргі таңда жартылай финалға 5 боксшымыз жолдама алды. Олар – Теміртас Жүсіпов, Махмұд Сабырхан, Абылайхан Жүсіпов, Сәкен Бибосынов және Серік Теміржанов.