Қазақстандық боксшы Сағындық Тоғамбай Ливерпуль (Англия) қаласында өтіп жатқан 2025 жылғы әлем чемпионатының ширек финалында жекпе-жек өткізді, деп хабарлайды Vesti.kz.
90 келіге дейінгі салмақ дәрежесінде оның қарсыласы өзбекстандық Турабек Хабибуллаев болды. Бірінші раундта барлық төреші жеңісті қарсыласқа берді - 5:0. Екінші үш минуттық кезең де дәл осындай есеппен өзбек боксшысының пайдасына аяқталды.
Үшінші раундта Тоғамбай қарқынын арттыруға тырысқанымен, Хабибуллаев кездесудің бағытын өзгертуге мүмкіндік берген жоқ және жекпе-жекті жеңіспен аяқтады.
Осылайша, Сағындық Тоғамбай жарыс жолын аяқтады, ал жартылай финалға өткен Турабек Хабибуллаев кемі өола жүлдеге жетіп отыр.
Жарнама