Америкалық 360 Promotions промоутерлік компаниясы бірінші орта салмақтағы қазақстандық боксшы Садриддин Ахмедовтің (15-0, 13 КО) келесі жекпе-жегі қашан өтетінін жариялады, деп хабарлайды Vesti.kz.
Бокс кеші АҚШ-та өтеді27 жастағы қазақстандық рингке 19 сәуірде АҚШ-тың Коммерс қаласында өтетін бокс кешінде шығады. Садриддин кештің басты айқасында мексикалық Элиас Эспадаспен (23-6, 16 КО) жұдырықтасады.
"Садриддин Ахмедов сенбі күні, 19 сәуірде UFC Fight Pass-тағы үшінші кездесуін өткізеді. Элиас Эспадаспен жекпе-жекте ол өзінің мінсіз рекордын сақтап қалуға тырысады - 15-0, 13 нокаут", - делінген хабарламада.