Сабыржан Аққалықов Қазақстан чемпионатын жеңіспен бастады

Батыс Қазақстан облысынан өнер көрсететін Сабыржан Аққалықов Қарағандыда басталған бокстан Қазақстан чемпионатында бірінші айқасын өткізді. 

71 келі салмақта оның қарсыласы Маңғыстау облысынан Ағажан Қадыр болды. Сабыржан қарсыласынан ұпай санымен үстем түсті. 

Айта кетейік, Аққалықов 2021 жылы Польшада өткен жастар арасындағы әлем чемпионатының жеңімпазы. 

Сабыржанның келесі қарсыласы Нұрбола Бердімұратов болады, айқас 20 желтоқсанда өтеді.