Семейде өтіп жатқан Қазақстан чемпионатының финалында 75 келіге дейінгі салмақ дәрежесінде Қарағанды облысының өкілі Сабыржан Аққалыков пен ел чемпионы Тимур Нұрсейітов кездесті, деп хабарлайды Vesti.kz.
Жекпе-жек жоғары қарқында басталды. Екінші раундта Аққалыков айқын басымдық танытып, қарсыласын нокаутқа жіберді. Төреші жекпе-жекті дереу тоқтатып, қарағандылық боксшының мерзімінен бұрынғы жеңісін тіркеді.
Посмотреть эту публикацию в Instagram
Осылайша, Сабыржан Аққалыков Қазақстан чемпионы атанып, елдің ең үздік және ең үмітті жас боксшыларының бірі екенін тағы бір мәрте дәлелдеді.
Айта кетейік, ол бұған дейін жасөспірімдер арасындағы әлем чемпионы атанған, сондай-ақ Астанада өткен Әлем кубогының кезеңінде топ жарған. 2025 жылы Ливерпульде өткен әлем чемпионатында Аққалыков 1/8 финалға дейін жетіп, украиналық Павло Иллюшеге жол берген болатын.
Жарнама