Промоутер Эдди Хирн ресейліктер Артур Бетербиев пен Дмитрий Биволдың қарымта жекпе-жегі өтетін бокс кешінің постерін жариялады.
22 ақпан Эр-Риядта өтетін бұл айқас бокс кешінің басты оқиғасы болады. Ал оның кардында орта салмақта WBC чемпионы доминиканалық Карлос Адамеса пен британиялық Хамза Шираз жұдырықтасады. Бұл екі боксшы да бастапқыда IBF және WBO титулына ие Жәнібек Әлімханұлына қарсылас ретінде қарастырылған, алайда, олармен келіссөздер нәтиже бермеді. Тіпті Шираз WBO желісі бойынша Жәнібекке міндетті қарсылас та болған еді.