Ресейлік БАҚ Головкинге титулдарын "қайтарып" берді де, нокаутын үздіктер тізіміне қосты

Ресейлік "Реальное Время" биылғы жарты жылдықтағы бокс пен ММА-дегі үздік нокауттар тізімін жасады. Мұнда қазақстандық Геннадий Головкиннің (39-1-1, 34 КО) канадалық Стив Роллсты (19-1,10 КО) жеңгені де енген.

8 маусым Нью-Йоркте Головкин төртінші раундта канадалық Стив Роллсты (19-1, 10 КО) нокаутқа түсірді. Бұл қазақстандықтың DAZN стриминг қызметіндегі алғашқы жекпе-жегі болды.

"Маусым басында қазақстандық Головкин кезекті рет белбеуін қорғады (ескерме - GGG-де титул жоқ). Қарсыласы канадалық Стив Роллс болды, осыған дейін жеңіліп көрмеген екен. Головкин жекпе-жек бойы басым болды. Төртінші раундта Геннадий бірнеше соққы жасап, Роллс орнынан тұра алмай қалды. Осылайша, Головкин карьерасындағы 39-шы жеңіске жетті, сонымен бірге, ол бір рет жеңіліп, бір рет тең түскен. Роллс алғаш жеңіліп тұр, оның 19 жеңісі бар. 

Нокаут бір қызықты болды, Геннадийдің шешуші соққысы нұқығандай ма, шапалақпен тартып қалғандай болды, бірақ, дәл содан кейін Стив құрысып қалғандай көрінді", - делінген ескермеде.