Орта салмақ чемпиондары Жәнібек Әлімханұлы (17-0, 12 КО) мен доминиканалық Карлос Адамес (24-1-1, 18 КО) арасындағы жекпе-жек қашан өтуі мүмкін екені айтылды, деп хабарлайды Vesti.kz.
Әлімханұлы - Адамес айқасы қашан өтеді?
1) Екі боксшы да біраздан бері бір-бірімен жұдырықтасқысы келетіні туралы жар салып жүр, ал биыл бұл мәселе нақты бір шешімге келуі ықтимал. Боксшылар 19 шілдедегі филиппиндік Мэнни Пакьяо (62-8, 39 КО) мен америкалық Марио Барриос (29-2, 18 КО) арасындағы жекпе-жек кардында өтеді деген сыбыстар тарады.
2) Ал Brunch Boxing ақпараттарына сәйкес, Әлімханұлы мен Адамес биыл тамызда жекпе-жек өткізеді екен.
Өзге қазақ Әлімханұлына кедергі болуы мүмкін бе?
Жәнібектің орта салмақта IBF және WBO нұсқалары бойынша екі титулы бар. Ал Карлос Адамес WBC белбеуіне ие. Айта кетейік, Адаместің міндетті қарсыласы бар, демек, ол өз титулын қорғауы тиіс.
Адамеске міндетті қарсылас жеңілмеген Мейірім Нұрсұлтанов (21-0, 17 КО) болып тұр. Бұған дейін Адамес - Нұрсұлтанов жекпе-жегі де жазда өтуі мүмкін екені айтылған.
Әлімханұлы мен Адаместің биылғы жекпе-жектері
Әлімханұлы кейінгі рет рингке 5 сәуір Астанада франциялық Анауэль Нгамиссенгені (14-1, 9 КО) бесінші раундта нокаутқа түсірді. Осылай, қазақстандық боксшы орта салмақтағы титулдарын сәтті қорғады.
Ал Адамес 22 ақпанда өз титулын қорғау үшін британиялық Хамза Ширазбен (21-0, 17 КО) кездескен болатын. Жекпе-жек тең нәтижемен аяқталып, біраз дау тудырды, дегенмен доминиканалық чемпион өз белбеуін сақтап қалды.
Жарнама