"Өзіңе құрметің жоқ". Суперауыр дивизион чемпионының 41 нокауты бар боксшыға жауабы

Америкалық боксшы Деонтей Уайлдер (42-1-1, 41 КО) жекпе-жек кезінде бицепс бұлшық етінің жарақатына байланысты Тайсон Фьюриден (30-0-1, 21 КО) жеңілгенін мәлімдеді, - деп хабарлайды Daily Mail.

Ақпанда Лас-Вегаста өткен жекпе-жекте Фьюри техникалық нокаутпен Уайлдерді жеңіп, ауыр салмақта WBC чемпионы атанған. 

"Жазылып келемін. Терапиядамын, кейінгі жекпе-жегімде бицепсімді жарақаттап алдым. Коронавирус аяқталғанын күтудемін. Тезірек жаттығу лагеріне оралып, дайын болу үшін. Фьюри мен үшін чемпион емес. Тағы бір айқасамыз. Ол түні рингте Деонтей Уайлдер болған жоқ. Өзімді зомби сезіндім. Рингте жасағаным да өзіме ұқсамады. Ақталғандай болғым келмейді, бірақ, адамдар ең мықты күйімде оралатынымды білсін", - дейді Уайлдер. 

Британиялық қарсыласы жауапты көп күттірген жоқ.

"Қане-қане, достым. Өзіңе құрмет жоқ екен. Тым төмендеп кеттің. Ол күні түнде сен болмағанда кім? Мен сенің мылжаңды шығардым. Міне бар шындық. Мұны қабылдап, ілгерлеу қажет. Бұл жай ғана жекпе-жек. Сәттілік пен сәтсіздік деген бар. Бұл жай ғана бокс, достым", - деп жазыпты Фьюри әлеуметтік желіде.