Бүгін, 24 ақпан кіші әлем чемпионаты атанып кеткен бокстан Странджа кубогі атты халықаралық турнирде кезекті жарыс күні өтеді, деп хабарлайды Vesti.kz.
Кешкі сессияда өтетін 1/4 финал жекпе-жектеріне үш қазақстандық боксшы шығады. Сессияның басталуы 22:00.
Бір қызығы қазақ боксшылардың барлығының қарсыласы өзбек боксшылары болады. Осылайша, 57 келідегі Оразбек Асылқұлов бесінші жұпта Абдумалик Халоковпен жұдырықтасады. В рингі.
Осы В рингінде тоғызыншы жұпта 75 келідегі Нұрқанат Райыс пен Алохон Абдуллаев арасында жекпе-жекті тамашалай аласыз.
Ал 80 келіге дейінгі салмақта Бекзат Нұрдәулетов 12-жұпта Жасурбек Юлдошевпен айқасқа түседі.