Өзбекстаннан асып түскен Қазақстан кіші ӘЧ-де рекорд орнатты

Болгарияда өткен Еуропаның ең көне бокс турнирі - Странджа кубогі-2025 турнирі аяқталды, бұл жарысты кіші әлем чемпионаты деп те атайды, деп хабарлайды Vesti.kz.

Қазақстанның ерлер құрамасы бұл жарыста жақсы нәтіиже көрсетті: 5 алтын, 9 күміс және 4 қола жүлдемен жүлделік есепте бірінші болды. 

Қоржынға жүлделерді мына боксшылар салды:

Алтын
63,5 кг. Ертуған Зейнуллинов;
67 кг. Төрехан Сабырхан;
71 кг. Абылайхан Жүсіпов;
75 кг. Сабыржан Аққалыков;
86 кг. Бекзат Нұрдәулетов.

Күміс
51 кг. Даниял Сәбит;
54 кг. Тимур Қабдешов;
60 кг. Серік Теміржанов;
63,5 кг. Мұхаммедсабыр Базарбайұлы;
71 кг. Фарух Тоқтасынов;
75 кг. Тимур Нұрсейітов;
80 кг. Ерасыл Жәкпеков;
86 кг. Нұрбек Оралбай;
+92 кг. Айбек Оралбай.

Қола
48 кг. Теміртас Жүсіпов;
57 кг. Оразбек Асылқұлов;
60 кг. Талғат Сырымбетов;
92 кг. Данияр Рахымбердинов.

Құрамалардың жүлделік есебі:

Қазақстан - 5 алтын, 9 күміс, 4 қола;
Өзбекстан - 5 алтын, 1 күміс, 2 қола;
Болгария - 2 алтын, 3 қола;
Түркия - 1 алтын;
Ирландия - 4 қола;
Әзірбайжан - 2 күміс, 2 қола;
Грекия - 1 күміс;
Франция - 1 қола;
Косово - 2 қола;
Грузия - 2 қола;
Италия - 1 қола;
Израиль - 1 қола;
Англия - 2 қола;
Аустрия - 1 қола;
Қытай - 1 қола.

Бұл турнирде Қазақстанның ерлер құрамасы жеңіп алған жүлделері саны бойынша рекордын жаңартты (2022 жылы 2 алтын, 2 күміс және 5 қола жеңіп алған).