Бокстан Өзбекстанның жастар құрамасының бұрынғы бас бапкері Хамид Тангрибергенов Белградта өткен әлем чемпионатына қатысты ойын айтты, деп хабарлайды Uza.uz.
Бұл жарыста өзбекстандық боксшылар бір күміс пен бір қоланы қанағат тұтты.
"Әрбір әлем чемпионатына жылдар бойы дайындалады. Кейінгі жылдары негізгі құрамдағы спортшыларға ғана басымдық беріп келдік. Өкініштісі резерв сол күйде резерв болып қалды. Олар жылдар бойы негізгі құрамға ілікпеді. Сербиядағы әлем чемпионатына командалар жас спортшылармен келді. Украина, Беларусь, АҚШ, Ресей мен Қазақстан жас боксшыларды әкелді. Бұл да нәтижеге әсер етті", - дейді Тангрибергенов.