Қазақстандық боксшы Сабыржан Аққалықов IBA Дубайда өткізіп жатқан әлем чемпионатында жекпе-жексіз финалға өтті, деп хабарлайды Vesti.kz.
75 келіге дейінгі салмақтағы жартылай финалда ол өзбекстандық Фазлиддин Эркинбоевпен кездесуі керек еді. Жекпе-жек бүгін, 11 желтоқсан күндізгі сессияда өтеді деп жоспарланған еді.
Өзбекстан бокс федерациясының мәліметінше, Эркинбоев қол жарақатына байланысты жекпе-жектен бас тартқан екен.
Осылайша, өзбекстандық боксшы турнирдің қола жүлдесіне ие болады. Айта кетейік, Эркинбоев - World Boxing нұсқасы бойынша қазіргі әлем чемпионы.
Жарнама