Қазақстандық боксшы Илья Калинин Бангкокта (Таиланд) өтіп жатқан жастар арасындағы бокстан Азия чемпионатында финалдағы айқасын өткізді, деп хабарлайды Vesti.kz.
2025 жылғы құрлықтық жарыста 22 жасқа дейінгі санаттағы боксшылар сынға түсіп жатыр.
65 келіге дейінгі салмақта өткен шешуші кездесуде Калининге қарсы өзбекстан құрамасында өнер көрсететін қазақ боксшы Саят Ілясов шықты.
Бірінші раунд тартысты өтті - төрешілер Ильясовқа 3:2 есебімен аз ғана басымдық берді. Ал екінші раундта өзбекстандық боксшы сенімді түрде алға шықты - 4:1 есебімен Саятың пайдасына жазылды.
Үшінші ранудта да Саят басым болып, жекпе-жек жалпы 4:1 есебімен бітті.
Осылай алтынды Ілясов жеңіп алды, ал Калинин күміс жүлдегер атанды.
Жарнама