Бокстан Өзбекстан құрамасының бас бапкері Тулкин Киличев Ливерпуль (Англия) қаласында өткен 2025 жылғы әлем чемпионатындағы нәтиже үшін қазақстандық әріптесі Қайрат Сәтжановпен алған сыйақы айырмашылығына қатысты пікір білдірді, деп хабарлайды Vesti.kz.
World Boxing ұйымы өткізген тұңғыш әлем чемпионатында Қазақстан құрамасы жалпыкомандалық есепте бірінші орын иеленді – жеті алтын, бір күміс, екі қола жүлде. Өзбекстан құрамасы екінші орын алды – алты алтын, екі күміс, үш қола.
Турнир қорытындысы бойынша Киличевке 7000 АҚШ доллары (3,7 миллион теңге) көлемінде сыйақы берілді, ал Сатжанов 100 000 АҚШ доллары (54,2 миллион теңге) алды.
"Бір ән бар: "Бастысы халық мені танысын" деген. Сол әндегідей, менің айтарым: қайда барсаң да - жолым ашық. Барлығы жеткілікті. Ең бастысы - халықтың сүйіспеншілігі мен құрметті, адамдардың сенімі. Бұл бәрінен биік. Біз жеткен нәтижеге және бізге көрсетілген қолдауға өте ризамын. Қалғанының бәрі - екінші орындағы дүние", – деді Киличев.
Жарнама