Өзбекстандық боксшы Фарзона Фозилова Үндістанның Нью-Дели қаласында өтіп жатқан World Boxing ұйымының Әлем кубогы-2025 кезеңінің финалына өтті, деп хабарлайды Vesti.kz.
1/2 финал кезеңінде 48 келіде өнер көрсететін Фарзонаға 2018 жылғы әлем чемпионатының күміс жүлдегері және Еуропа біріншілігінің екі дүркін қола жүлдегері (2018, 2019) украиналық Анна Охота қарсы тұрды.
Бірінші раунд Фозилованың пайдасына шешілді - төрешілердің төртеуі жеңісті өзбек боксшысына берді, тек біреуі қарсыласты қолдады. Екінші үш минуттық кезеңде де ол қарсыласына мүмкіндік қалдырмай, барлық бөлікті өз пайдасына шешіп, финалға жолдама алды.
Осылайша, Охота турнирді қола жүлдемен аяқтайды, ал Фозилова жарыстың алтын жүлдесі үшін айқасады.
Жарнама