"Өзбек боксшылардың үрейі" ресейлікті сабап финалға өтті

Қазақстандық боксшы Оразбек Асылқұлов IBA Дубайда (БАӘ) өткізіп жатқан 2025 жылғы әлем чемпионатының финалына өтті, деп хабарлайды Vesti.kz.

57 келіге дейінгі салмақтағы жартылай финалда ол ресейлік Андрей Пегливанянды 5:0 есебімен жеңді.

Айта кетейік, Асылқұлов Өзбекстан боксшыларымен жекпе-жектерде де басымдық көрсетіп жүр. Осы үшін ол "өзбек боксшылардың үрейі" деген лақап атқа ие болған. 2023 жылы ол Странджа кубогінде Асылқұлов Олимпиада чемпионы Абдумалик Халоқовты жеңген еді.