Аса ауыр салмақтағы өзбекстандық боксшы Лазизбек Муллажонов (4-0, 4 КО) қазақстандық Нұрсұлтан Аманжоловты (5-1, 4 КО) жеңгеніне қатысты пікір білдірді, деп хабарлайды Vesti.kz.
Польшаның Варцлав қаласында өткен бокс кешінде Аманжолов бірінші раундта техникалық нокаутпен жеңілді.
"Қарсыласым жеңілгенін мойындағысы келмеген сияқты. Өйткені бұрын жеңілмеген спортшыға мұндайды қабылдау қиын. Біздің тактика жекпе-жекті неғұрлым жылдам аяқтау еді. Өйткені мен сегіз раундты айқасқа шығып көрмеген едім", - деп береді Муллажоновтың сөзін Olamsport.com.
Айтта кетейік, бұл Аманжоловтың карьерасындағы алғашқы жеңіліс, ал өзбекстандық боксшы төртінші жеңісіне жетіп отыр.