Өзбекстандық Шодиер Меликузиев Ташкенттегі әлем чемпионатында қазақстандық Санжар Тәшкенбаймен айқасады. Бұл жекпе-жек 48 келідегі 1/8 финал кезеңінде өтеді, деп хабарлайды Vesti.kz.
Боксшылар 2023 жылы Таиланд астанасы Бангкокте өткен Азия чемпионатында жұдырықтасып, Санжар төрешілер шешімімен жеңіске жеткен болатын.
"Келесі жекпе-жегім қазақстандық боксшыға қарсы. Біз жастар арасындағы Азия чемпионатында бір кездескенбіз. Ол кезде ұпай санымен ұтылдым. ИншаАллах, өз еліміздегі чемпионатта оны жеңемін деген үміттемін", - деп береді Меликузиевтің сөзін sports.uz.