World Boxing News порталының редакторы Фил Джей Vesti.kz тілшісіне берген сұқбатында екінші орта салмақта өнер көрсететін қазақстандық Айдос Ербосынұлы (16-1, 11 КО) мен кубалық Давид Моррел (8-0, 7 КО) арасындағы кездесуі туралы ойымен бөлісті.
Бұл кездесу 6 қарашы күні АҚШ жерінде өтті. Ербосынұлы кездесудің 12-раунддында нокаутпен жеңілді. Айқастан кейін отандасымызды дәрігерлер зембілмен алып кетіп, Хеннепин аймағынан Медициналық орталығына жеткізді. Содан соң ол жасанды комаға түсіп, оған операция жасады.
"Күтпеген нәтиже. Моррел бұл кездесуге әлдеқайда мықты дайын болды. Қазақстандық боксшы психологиялық қысымды жеңе алмады деп ойлаймын. Ол тым қатты асығып, алға ұмтыла берді. Осының салдарынан Айдос көп соққы жіберіп, нокаутқа түсті. Бокста ауыр жарақат жиі кездесіп тұрады. Әрине, бұл жағдай өкінішті. Ербосынұлы - өте талантты боксшы. Оның шаршы алаңға қайта оралғанын көргім келеді", - деді Джей.
Еске салайық, Ербосынұлы Моррелге қарсы кездесудің алдында бір жылдай шаршы алаңға шықпады. Соңғы рет ол Гайана елінің өкілі Леннокс Аленнен (22-2-1, 14 КО) айласын асырды.